Hallo,
Ik wil graag nog even terugkomen op het eindejaarsfeest van eind vorig jaar. 
Voor diegenen die er niet bij waren en of om jullie geheugen even op te frissen, het volgende.
Eindejaarsfeest, het woord zegt het al, was 'n feest, lekker eten en drinken, 
gezellig kletsen, lekker een paar potjes boulen en een grote loterij met mooie prijzen.
En dan kon je nog een formulier invullen, waarvan het de bedoeling was 
om nederlandse woorden en -zinnen te vertalen naar het twents.
Ik zelf was de gelukkige met de meeste goede antwoorden.
En om jullie te bewijzen dat ik niet heb gespiekt ga ik nu in 't Twents, in 't plat vedan.

Met taal hek altiet a wa wat hat.
k'wet nog wa da'k in de 1ste klas van de lagere school zat,
dat is tegnswoordig groep 3 en dan hej ok a taalles.
Weej wa, van aap-noot-Mies, Wim-zus-Jet.
So kwamen wie ok biej ´t woordje hut.(Hendrik Theodoor Utrecht)
De juffrouw vreug : "wie weet er een woortje dat rijmt op hut" ?
Nou se begu'n veuran met [prut, tut, fut, flut, stut, mud, put, gut
en toen was ik an de buurt.
Ik wus er ok nog wa een, mar ik dach ak dat sei stoa 'k vort op de gang.
''Now'' seer de juf,'' weet jij nog'n woordtje dat rijmt op hut''?
Ik sei toen: "'doos".
De juf seer toen:"dat rijmt toch niet op hut"?
IK sei:"'U moet het meer zien as 'n vertaling.
De juf vreug nog 'n keer of ik 'n ander woordje wus dat rijmde op hut.
Toen seer ik:"ik, joa... trut"' en toen kon ik alsnog noar de gang.

Met duutse les hek ok soo iets hat.
De leraar vreug:"Wie weet er een sin woar Der-Die en Das in veurkomt"?
Ik stak  'n vinger op. "Zeg ma" seer de leraar.'
En ik: "Meine schwester hat ein kindchen bekommen".
"Ma doar steet toch gin Der-Die en Das in "? seer de leraar.
Moar ik was ok nog nich kloar seer ik.
En toen:" Meine schwester hat ein kindschen bekommen,
und Der Die Das gemacht hat ist verschwunden"

Ik kon me wa redn op school. 
Aw 'n proefwerk han'n keek ik altiet veur mie oet veur de inspiratie,
noar bened'n veur de consentratie,
en noar links en rechts veur de informatie.

Later is't allemoal wa goot goan op school
en deurum was ik ok so blie da'k won'n har met 't vertaln van 't hollans noar't plat,
Want dan weej daj nich veur niks deur hebt leerd.
De eerste pries van 't vertaln was ne reis van V-Reizen noar Italie, all inclusief.
Dat holt in daj alns solf mut betaln.
En de V van V-Reizen steet veur veut-reisn.
Wat wa gratis was, 'n deuske PLEISTERS, mog oik onderweg last krieg'n van blarn.

Het vertrek was plant op 31 maart, 's mons om half vier, hier bie de kantine.
Noe weet ik wa dat noar Italie hen en weer lop'n nich so heel wiet is, 
ma op 1 april, vandoag dus, was ter alweer ne Poasbrunch. 
Doarwok ok bie ween en wak bang dak toch  nich helemoal op tiet der weer sol ween.
Doarum bin'k ma 'n paar wek eerder vertruk'n.

't was mooi weer en ik bin langs de autobahn lopn, ower de vluchtstrook.
Regt uut regt an, al verdan, dat lup so gemakkelt ower de vluchtstrook. 
De weg steet mooi dudelijk angem'n  
en umdat de auto's en de vrachtwag'ns so kot langs oe hen goat
goj host vanself deur de wient dee se maakt.
Ik har a 'n mooi tietje lopn, toen ik bie ne grotn parkeerplaats kwam, 
woar ik miene stoet op wol ett'n.
Toen ik doar so sat, kwam der ne man op mie of en vreug 
of ik dat was den doar o'wer de vluchtstrook hat lop'n.
Ik seer:"Dat sol bes kun'n. "Man" zeer he, "Das ja leemsgeveurlijk".
Woar goi eigelijk opan ?
"K hep um verteld dak noar Italie gung.
Aj wilt, zeg e, kuj wa met mie met in de vrachtwag'n, want doar mut ik ok opan,
noar Milaan en Rome.
Ik dach, woarum ok nich en bin bie hum in de vrachtwag'n stapt.

Onderweg kwam ik so met 'm ant proat'n ower alns en nog wat.
 En ok ower sien weerk as chauffeur.
Dat beveul um wa zeer e, allennig as e int weekend biej t'hoes was, 
zat siene vrouw altiet an kop te zeurn, dat ter van alns mus gebuurn.
Dan mus 't hoes worn schilderd, dan seer he; ''Ma ik bin toch gin schilder".
Dan mus 'n tuin doan wor'n. En he wier; ''Ik bin toch gin tuinman".
Toen 'n keer was e weer bij thoes kom'n en alns lag ter mooi bie.
Thoes schildert, tuin lag ter kaant bie.
''Dat sol oe wa ne mooi'n cent hem'n kost'', har e seg.
Dat veul nog wa met, hat se seg.
Den niejn buurman hef alns doan.
Ik hep 'm loat'n kiesn tussen 'n appeltaatn of  'n moal met mie noar ber.
No toen hej sekers nen taart'n bakken har e seg.
Hoe kom ie doar noe bie har se seg.
Ik bin gin bakker.
Nee het gung helmoal nich met die twee.
Het enige wat se volgens mie gemeen ha'n was de trouwdatum.

Noa 'n tietje kwam'n wie bie de grens.
"Och" seer 'n chauffeur, "wat bin ik stom wes, hek toch mien pas vergetn.
Aw noe de grens ma ower komt.
Geluk big 'n ongeluk was was e den douanier a wa vaker truf'n har.
Hee vreug wat ter in de vrachtwagn sat.
Den sat helemaal vol met spruitjes.
No seer de douane. aj 10 spruitjes tegeliek in moont konnt stopn, maj deur jaagn.
10 spruitjes tegeliek in moont was geen probleem veur 'n chauffeur,
want 't was net een breedbek kikker. En so kwam wie de grens ower.
E'm later gung siene mobiele telefoon.
He pakn an en begun heel har te lachn.
Dat was, seer e, mien collega, den steet noe veur de grens en hef sien pas ok verget'n.
Ik seer, dat is toch niks um te lachn.
Joa''wa, seer e, want he het de wag'n vol sit'n met bloemkool.

So kwam´n wie in Italie. Toch ´n apart volk, die Italian´n. In Venetie ok.
Stoat alle straaten onder water en dan stapt se in ´n bootje en begint se te singn. 
Dat dooi toch nich. En dan hej doar Belusconi, doar snap ik helemaal niks van. 
Dat se daar so met fut loopt, vooral de vrouleu.
Laatst hebt se ne enquete holn onder de frown.
De vrog was wer der wa met naar ber woln.
33% woln dat wa,
en de ander 67% hef jeg seern awier ?
Aj't ower Belusconi hebt kom ie vanself ok altiet biju 't voetbaln tereg.
AC Milaan is sien club, maar ie hebt doar ok Inter Milaan.
Noa dat is haat en nijd tussen die twee.
Ik heurn doar 'n verhaal ower 'n oalen van dik in de negentig,
den sien hele leem supporter van Inter was wes en noe lag e op sterm.
Toen hef e sien frou vrogn.
Ik sol toch wa supporter van AC wiln worn.
Hoe kuj dat noe doon, hat sien frou seg, ower de negentig jaar bi'j veur Inter wes
en noe in ene keer veur AC. Dat dooj toch nich.
Joa'wa hat demn oaln man seg, 
want ik hep leever dat er een van AC de piep uut geet dan een van Inter.

In Milaan ben ik ok nog in de Scala wes.
Doar wan se net ant repeteern vuur ne opera.
Ik doch, dat is misschien ok wat veur mie en bin der op ofstapt,
en heb vrogn of ok nich met mog doan.
Ik mos eerst veur singn.
Se vun wa dak ne mooin stem har, ma nich so geschikt veur ne opera.
Ik sol ma is probeern bij 't Joe Cocker festival.
Dat pasn better bie miene stem

Daags ternoh biwj deur jag noar Rome.
See ik doar ne non loopn.No soj segn, dat is toch niks bijsonders, 
mar dissen lop achter de kinderwagn.
en ik vreug op mien beste Italiaans of dat 'n ongelukje wes was, 
wat se doar in de kinderwagn hat lig'n.
Se seer dat 't ne fout was wes va ne kardinaal.
't was so gesegt ne kardinale fout

Ja en Italie hej natuurlijk ok de Paus.
´n Paus har pas ne niejn tuinman annomn en ´n oln was um ant inwerk´n.
He vreug an den niejn:''weet ie wat vant geleuf of''.
''Nee'', seer den niejn,"doar week niks van''.
''No'', seer den oln, ''muj good luustern as 'n Paus langskoom hef a altiet 2 vroagn''.
De eerste vroag is; wee ister veur ons sturm en dan muj segn - Jesus Christus.
En de tweede vroag is hoe of a sturm is. 
Dan muj segn - Jesus Christus is ant kruus sturm.
Ik sal't oe wa op 'n grasmaaier schriem, dan verget ie et ok nich.
'n paar daagn later komt de Paus deurn tuin loopn 
en vreug meteen an tuinman wee der veur ons is sturm.
'n tuinman kiek op grasmaaier en seer J.C.
En weet ie ok hoe of a sturm is ?
'n tuinman kek weer op de grasmaaier en seer dat a ant kruus was sturm.
"Ie bint n geleuvig meens", seer 'n Paus en leup vedan.
Eem later komp ie nog 'n keer weerum en vreug;''Ie wet'ter wa vol van,
ma weet ie ok hoe dee twee heet die toen tegeliek ant kruus bint sturm ?
't zweer brak'n tuinman oet en keek op 'n grasmaaier en seer toen Black en Dekker.

Ik bin met soln chauffeur weerum kum'n en trof in ne raststatte nog ne oaln bekeen van mie.
Dat was Gina. See hat den naam kreegn van heur va want dat was ne Italiaan
en hat heur verneumt noar Gina Lolobrigida.
Se was nich helemaal so knap ma kon der nog best bie deur.
Se was 'n paar daagn noar heur va wes in Italie.
Ik vreug; ''Oh heit mooi hat en hoe ist met oe va Gina ?
Toen leup se hellig fut.
Da hej ok belangstelling !!!.

So aj seet bin'k ter optiet wier veur de Paasbrunch.
Al met al hek eigelijk nich vol lopn en doarum hek toch nog wat an de reis oawerholn.
De PLEISTERS..